No ano 1.994, a pesar de que aínda non está formada a banda como tal, entra a formar parte da Asociación Galega de Bandas de Gaitas e da Asociación de Bandas de Gaitas e Percusión da provincia de Pontevedra, sendo unha das bandas fundadoras.
A partir do ano 96 é cando podemos dicir que a Banda comeza a funcionar xa cunha escola detrás, e dunha forma completa, actuando nas galas especiais da TVG "Premios Gastronómicos de Galicia" (anos 1.996 é 1.998) e "Fin de ano"(1.996), e entrando na "Liga Galega de Bandas de Gaitas", onde acada os seguintes resultados:
Ano 1.996/1.997: 4ª categoría
Acada en todas as fases a maior puntuación nesta categoría entre 42 bandas de toda Galicia, conseguindo así o ascenso.
Ano 1997/1998: 3ª categoría
Volve a conseguir o ascenso ao quedar na cuarta posición.
Ano 1998/1999: 2ª categoría
Consegue o terceiro premio e ascende por terceiro ano consecutivo, esta vez á máxima categoría.
Ano 1999/2000: 1ª categoría
Cunha media de idade duns 12 anos é a banda máis nova da categoría e acada a 13ª posición xeral, así como a 2ª posición na clasificación provincial nunha liga onde participan actualmente 142 bandas de gaitas.
Despois dun tempo de descanso e renovación, en xullo de 2003 a Banda volve á liga só na derradeira fase e no 3º grao, como preparación para a liga 2003-2004. Nesta fase acada o 1º posto e o premio á mellor percusión.
Ano 2003/2004: 3ª categoría
Consegue a segunda posición e ascende
Ano 2004/2005: 2ª categoría
Acada en todas as fases a máxima puntuación, conseguindo o primeiro premio e ascendendo a primeira categoría
Ano 2005/2006: 1ª categoría
A banda acada o seu propósito de situarse entre os 10 primeiros ocupando a sétima posición, volvendo a ser a banda máis nova de dita categoría Nese mesmo ano a banda decide retirarse da liga, pero sen cesar no seu traballo, logrando promover novas iniciativas na súa comarca como festivais folcks e benéficos e realizando actuacións por toda Galicia.
Na actualidade a maioría dos membros a súa vez, forman parte da Banda de Gaitas Provincia de Pontevedra, coa que realizan actuacións importantes en diversos lugares de Galicia e de todo o mundo como na praza do Duomo (Milán), no parque Fundidora (Monterrey, México) e recentemente en diversos auditorios de Xenebra ( Suíza) Neste ano a banda está celebrando o XX aniversario da súa formación, consolidándose como unha das bandas mais antigas da comarca e provincia, e gozando dun grandísimo nivel.
